Календарь мероприятий

Показать события по типу
« Воскресенье Август 20, 2017 »
Вс

Паважаныя слонімцы і госці нашага горада! Слонімскі раённы краязнаўчы музей імя І.І.Стаброўскага запрашае вас наведаць выставу “Бывай, мільянер!”, якая будзе экспанавацца з 6-га мая па 1-е верасня 2017 года. Вы даведаецеся аб тым, калі з’явіліся грошы, якую ролю ў розныя перыяды яны выконвалі, колькі зараблялі прадстаўнікі розных прафесій на Гродзеншчыне і што можна было набыць на іх заробкі. На выставе прадстаўлены дзве імправізаваныя крамы, сувенірная лаўка і бойкае месца на кірмашы для гандлю вырабамі з лазы.

10 жніўня ў выставачнай зале музея адбылася прэзентацыя персанальнай выставы слонімскага мастака Васіля Грыневіча. Выстава прымеркавана 60-годдзю з дня нараджэння мастака і 45-годдзю творчай дзейнасці. Павіншаваць Васіля Грыневіча прыйшлі начальнік аддзела ідэалагічнай работы, культуры і па справах молодзі Наталля Станіславаўна Юнчыц, мастакі суполкі"Слонім-АРТ", родныя і проста зацікаўленыя творчасцю людзі. На выставе прадстаўлены жывапісныя палотны, на якіх адлюстраваны краявіды Слонімшчыны, помнікі архітэктуры Беларусі, а таксама графічныя работы.